Britaniya Ukraynaya 4 milyard funt sterlinq ayırıb

Böyük Britaniya müharibə zamanı Ukraynaya etdiyi yardımın məbləğini açıqlayıb.

Fins.Az "Unian"a istinadən xəbər verir ki, bu barədə Britaniya və Ukrayna hökumətlərinin London Bəyannaməsində deyilir.

Məlumata görə, Böyük Britaniya müharibə başlayandan bəri Ukraynaya hərbi, humanitar və iqtisadi yardım üçün 4 milyard funt sterlinq ayırıb. Böyük Britaniya ötən il 2,3 milyard funt sterlinq dəyərində dəstəklə ABŞ-dan sonra Ukraynaya ən böyük hərbi yardım göstərən ölkə olub.