Böyük Britaniyada xaricdən gətirilən yoluxucu xəstəliklərin sayı artır

Fins.az - Böyük Britaniyanın Səhiyyə Təhlükəsizliyi Agentliyi yay mövsümündə xaricə səyahət edən vətəndaşları ağcaqanadlar vasitəsilə yayılan xəstəliklərə qarşı diqqətli olmağa çağırıb.

Agentliyin məlumatına görə, bu il ölkədə xaricdən gətirilən “Zika” virusu və “Denqe” qızdırması hallarında artım müşahidə olunub.

Mütəxəssislər riskli bölgələrə səfər edən şəxslərə ağcaqanad sancmalarından qorunmaq üçün müvafiq profilaktik tədbirlər görməyi, o cümlədən qoruyucu vasitələrdən istifadə etməyi və uzunqol geyimlər geyinməyi tövsiyə edirlər.