Böyük Britaniyada “Dave” fırtınası gözlənilir

Fins.az - Britaniyada Pasxa tətili ərəfəsində hava şəraitinin kəskin dəyişəcəyi gözlənilir. “Dave” adlı güclü fırtınanın şənbə günü ölkəyə çatacağı bildirilir.

Proqnozlara görə, Şotlandiya, Şimali İrlandiya, eləcə də Uels və İngiltərənin şimal bölgələrində güclü külək müşahidə olunacaq. Şotlandiyanın şimal hissəsində isə küləklə yanaşı intensiv qar yağacağı gözlənilir.

Mütəxəssislər əhaliyə ehtiyatlı olmağı və hava şəraiti ilə bağlı xəbərdarlıqları izləməyi tövsiyə edirlər.