Belçika tənzimləyicisi Telegram-ın Aİ-daki işinə nəzarət edəcək

Belçika Poçt Xidmətləri və Telekommunikasiya İnstitutu (BIPT) Telegram messencerinin Avropadakı fəaliyyətinə nəzarət etmək üçün məsul olacaq.

Fins.az xəbər verir ki, Avropada sosial şəbəkələrə və onlayn xidmətlərə nəzarət Digital Services Act (DSA) çərçivəsində başladı. Telegram Dubayda yerləşir, onun rəhbərliyi Belçikanın EDSR şirkətini özünün Avropa təmsilçisi təyin etdi və beləliklə, BIPT bu sahədə tənzimləyici oldu.

Eyni zamanda, institutun mətbuat katibi Cimmi Smedtsin dediyinə görə, BIPT hələ də rəsmi təyinatını gözləyir. "Bu, bir neçə gün ərzində rəsmi açıqlama ilə baş verməlidir" dedi.