Bayden və Konqres 1,2 trilyon dollarlıq layihə ilə bağlı razılığa gəlib

ABŞ-da Co Baydenin rəhbərlik etdiyi hökumət, Konqresdəki hər iki tərəflə 1,2 trilyon dollarlıq bir infrastruktur investisiya planı barədə razılığa gələ bilib.

Bu məbləğin 312 milyard dolları körpülər, magistral yollar, hava limanları, ictimai nəqliyyat və dəmir yolları daxil olmaqla nəqliyyat infrastrukturunun inşasına yatırılacaq.

Su infrastrukturu, genişzolaqlı İnternet şəbəkələrinin modernləşdirilməsi və elektrik enerjisi istehsalının artırılması üçün 266 milyard dollar nəzərdə tutulur.