Avropa Birliyi ilə İngiltərə arasında sosiska böhranı

İngiltərə və Avropa Birliyi liderlərinin bu gün Şimal İrlandiya ilə ticarət mövzusunda anlaşılmazlıqların aradan qaldırılması üçün danışıqlara başlamaları gözlənilir. 

Fins.az xəbər verir ki, danışıqlarda ingilis sosiskasının Şimal İrlandiyaya ixracına icazə verilib verilməyəcəyi kimi məsələlər müakirə ediləcək.

Avropa Birliyi Komissiyası sədrinin köməkçisi Maros Sefcovic İngiltərənin Brexit naziri David Frost ilə bu həftə keçiriləcək  G7 zirvəsi əvvəli Şimal İrlandiyaya edilən ixrac daxil ticarət anlaşılmazlıqlarını həll etmək məqsədilə danışıqlar aparacaqlar.

Brexit-dən sonra bəzi gecikən sərhəd nəzarətləri gələn ay qüvvəyə minəcək ancaq tərəflərin bəzi mövzulardakı anlaşılmazlıqları davam edir. Bu da Şimal İrlandiya və İngiltərə arasındakı ticarətə mənfi təsir edir.