Asiya ölkələri Yaxın Şərq gərginliyi fonunda kömür enerjisinə yönəlir
Fins.az - Asiya ölkələri Yaxın Şərqdə artan gərginlik fonunda enerji təchizatında yaranan riskləri azaltmaq məqsədilə kömür yanacağına üstünlük verməyə başlayıb.
Məlumata görə, enerji şirkətləri xərcləri azaltmaq və fasiləsiz enerji təminatını qorumaq üçün kömürlə işləyən elektrik enerjisi istehsalını artırır. ABŞ və İsrailin İrana qarşı mümkün hərbi qarşıdurması mayeləşdirilmiş təbii qazın (LNG) tədarükünü məhdudlaşdırıb və bu da qiymətlərin kəskin artmasına səbəb olub.
Hörmüz boğazında daşımaların demək olar ki, dayanması və Qətərin ixracla bağlı oxşar addımları fonunda Asiyada spot LNG qiymətləri son üç ilin ən yüksək səviyyəsinə çatıb. Bu vəziyyət son dörd ildə ikinci böyük təchizat şoku kimi qiymətləndirilir.
Bu şəraitdə Banqladeş mart ayında kömür idxalını və kömürlə işləyən elektrik enerjisi istehsalını artıraraq enerji təhlükəsizliyini təmin etməyə çalışır.
