“Arsenal” İngiltərə çempionatında yenidən lider oldu

Fins.az - “Arsenal” İngiltərə Premyer Liqasının 34-cü turunda “Nyukasl” üzərində 1:0 hesablı qələbə qazanaraq turnir cədvəlinin zirvəsinə qayıdıb.

London şəhərində keçirilən qarşılaşmada yeganə qolu 9-cu dəqiqədə Ebereçi Eze vurub.

Bu qələbə sayəsində “Arsenal” xallarını 73-ə çatdıraraq birinci pilləyə yüksəlib. Komanda ən yaxın izləyicisi “Mançester Siti”ni 3 xal qabaqlayır, lakin rəqibin ehtiyatda bir oyunu var.

“Nyukasl” isə 42 xalla 14-cü pillədə qərarlaşıb.