Antonio Quterreş təmiz enerjiyə keçid planını təqdim edib

Fins.az - António Guterres iqlim dəyişikliyinin yaratdığı təhlükələrə qarşı daha qətiyyətli qlobal addımlar atmağa çağıraraq təmiz enerjiyə keçidlə bağlı planını təqdim edib.

O, Londonda keçirilən iqlim tədbirində çıxışı zamanı bildirib ki, dünyanın qazıntı yanacaqlarından asılılığı həm iqlim böhranını dərinləşdirir, həm də enerji təhlükəsizliyi ilə bağlı ciddi problemlər yaradır.

Quterreş vurğulayıb ki, Avropada müşahidə olunan ölümcül istilər və ekstremal hava hadisələri iqlim dəyişikliklərinin təsirinin artıq açıq şəkildə hiss olunduğunu göstərir.

BMT Baş katibinin sözlərinə görə, enerji mənbələrinin şaxələndirilməsi və bərpa olunan enerji layihələrinin genişləndirilməsi ölkələrin həm ekoloji, həm də iqtisadi dayanıqlığını artıracaq.