Almaniyada inflyasiya 0,9% artıb

Almaniyada enerji qiymətlərindəki artım səbəbiylə iyul ayında inflyasiya 7,5% çatıb. 

"Fins.az" xəbər verir ki, Almaniya Federal Statistika İdarəsi (Destatis) ölkənin iyul ayı inflyasiya məlumatlarını açıqlayıb.

Məlumatlara görə, Almaniyada iyunda 7,6% olan inflyasiya iyulda 7,5% olub. Ölkədə inflyasiya aylıq olaraq 0,9% artıb.

Beləliklə, ölkədə inflyasiya son illərdə ən yüksək səviyyədə qalıb. Almaniyada inflyasiyanın artmasının əsas səbəbi enerji idi.

Enerji məhsullarının qiymət artımı hər il 35,5 faizə çatıb. Ölkə üzrə illik əsasda soba mazutu 102,6%, təbii qazın qiymətləri 75,1%, elektrik enerjisinin qiymətləri 18,1% bahalaşıb.İyulda ərzaq məhsullarının qiymətlərində illik bazda artım 14,8% olub.

Bu dövrdə yağın qiyməti 44,2%, süd məhsullarının və yumurtanın qiymətləri 24,2 faiz, ət məhsullarının qiymətləri 18,3% bahalaşıb.

Müəllif:Aynur Qəniyeva