Almaniyada elektrik avtomobilləri üçün 6 min avroyadək subsidiya tətbiq olunacaq

Fins.az - Almaniya Bundestaqı elektrik avtomobillərinin alınmasını stimullaşdırmaq üçün yeni subsidiya proqramını təsdiqləyib.

Qərara əsasən, dəstək mexanizmi 2026-cı ilin yanvarından qüvvəyə minəcək və ilin əvvəlindən qeydiyyata alınan nəqliyyat vasitələrini əhatə edəcək.

Yeni proqram çərçivəsində tam elektrik avtomobilləri, “plug-in” hibridlər və “range extender” tipli modellər üçün dövlət dəstəyi nəzərdə tutulur. Subsidiya məbləği avtomobilin növü və ailənin gəlir səviyyəsindən asılı olaraq 1500-dən 6000 avroya qədər dəyişəcək.

Tam elektrik avtomobilləri üçün baza dəstəyi 3000 avro təşkil edəcək, aşağı gəlirli ailələr isə daha yüksək məbləğdən yararlana biləcəklər.