Almaniyada aviabiletlərin qiyməti ilin ilk yarısında əhəmiyyətli dərəcədə artıb

Fins.az - 2026-cı ilin ilk yarısında Almaniyada aviabiletlərin qiyməti ötən ilin eyni dövrü ilə müqayisədə nəzərəçarpacaq dərəcədə bahalaşıb.

Federal Statistika İdarəsinin məlumatına görə, beynəlxalq reyslər üzrə aviabiletlər orta hesabla 8,5 faiz, ölkədaxili uçuşlar üzrə isə 9,5 faiz bahalaşıb.

Ən yüksək qiymət artımı Mərkəzi Amerikaya ekonom sinif reyslərdə (12,5 faiz) və Avropa istiqamətində uçuşlarda (11,5 faiz) qeydə alınıb. Asiya və Avstraliya istiqamətində biletlərin qiyməti 4,9 faiz, Şimali Amerikaya uçuşlar isə 3,7 faiz artıb. Bununla yanaşı, Afrika istiqamətində aviabiletlər 12 faiz ucuzlaşıb.

Məlumata əsasən, xaricə paket turların qiyməti orta hesabla 3 faiz, Almaniya daxilində təşkil olunan turlar isə 2,8 faiz bahalaşıb.