“Ak Bars” Qaqarin Kubokunun ilk finalçısı olub

Fins.az - Ak Bars Kazan yarımfinal seriyasının beşinci oyununda Metallurg Magnitogorsk üzərində 4:3 hesablı qələbə qazanaraq Kontinental Xokkey Liqası çərçivəsində Qaqarin Kubokunun ilk finalçısı olub.

Maqnitogorskda keçirilən görüşdə qalib əlavə vaxtda müəyyənləşib. “Ak Bars”ın heyətində Aleksei Pustoziorov, Artyom Galimov, Dmitry Yashkin və Alexander Barabanov fərqləniblər.

Rəqib komandada isə Derek Barach, Nikita Mikhailis və Valeriy Orekhov qollar vurublar.

Beləliklə, Kazan təmsilçisi seriyanı 4:1 hesabı ilə başa vuraraq finala yüksəlib. Həlledici mərhələdə Ak Bars Kazan, Avangard Omsk – Lokomotiv Yaroslavl cütünün qalibi ilə üz-üzə gələcək.