Ağ Ev 1,5 trilyon dollarlıq müdafiə büdcəsi təqdim edəcək

Fins.az - Ağ Ev 2027-ci maliyyə ili üçün rekord həcmdə – 1,5 trilyon dollarlıq müdafiə büdcəsini təqdim etməyə hazırlaşır.

Məlumata görə, bu vəsaitin təxminən 760 milyard dolları silahların hazırlanması və tədarükünə yönəldiləcək. Büdcədə “Qızıl Günbəz” hava hücumundan müdafiə sistemi, gəmiqayırma proqramları və F-35 qırıcı təyyarələri üçün xərclərin artırılması nəzərdə tutulur.

Plan çərçivəsində ABŞ müxtəlif modifikasiyalarda 85 ədəd F-35 təyyarəsi almağı, həmçinin 18 döyüş və 16 qeyri-döyüş gəmisinin inşası üçün 65,8 milyard dollar ayırmağı planlaşdırır. “Qızıl Günbəz” layihəsinin maliyyələşdirilməsinə isə 17,5 milyard dollar sərf olunacaq.

Pentaqonun bu büdcə ilə bağlı daha ətraflı planı aprelin 21-də açıqlaması gözlənilir.