ABŞ Senatı inflyasiyanın azaldılması üçün 430 milyard dollarlıq təşəbbüslər paketini qəbul edib

Bazar günü ABŞ Senatı inflyasiyanın azaldılmasına və hakimiyyət orqanları tərəfindən 430 milyard dollar vəsaitin ayrılmasını nəzərdə tutan təşəbbüslər paketini təsdiqləyib.İclas qanunverici orqanın yuxarı palatasının saytında yayımlanıb.

"Fins.az" xəbər verir ki, Nümayəndələr Palatasının bu təşəbbüslər paketinə səs vermək üçün avqustun 12-də yay tətilinə çıxacağı gözlənilir. ABŞ prezidenti Co Bayden daha əvvəl bildirmişdi ki, Konqres onu təsdiq edərsə, sənədi imzalayacaq.

Mətni 755 səhifədən ibarət olan qanun layihəsi federal büdcə kəsirinin azaldılması, ictimai səhiyyə xərclərinin azaldılması və iqlim dəyişikliyi ilə mübarizə də daxil olmaqla bir sıra tədbirləri əhatə edir.

Bundan əlavə, iri korporasiyaların vergilərinin artırılması nəzərdə tutulur ki, bu da təklif olunan proqramlar üçün lazım olan vəsaiti qismən təmin etməlidir.

ABŞ hakimiyyəti bütün bu tədbirlərin gələcəkdə ölkədə inflyasiyanı azaldacağını gözləyir. Hakim Demokrat Partiyası bu addımları dəstəkləyir.