ABŞ Rusiyanın 132 mlrd. dollarlıq qızıl ehtiyatlarını bloklaya bilər

ABŞ senatorları ABŞ Maliyyə Nazirliyi ilə birlikdə Rusiyanın təxminən 132 milyard dollar həcmində olan qızıl ehtiyatlarının bloklanmasına dair qanun layihəsini müzakirə edəcəklər.

Fins.az "Axios" agentliyinə istinadən xəbər verir ki, dörd amerikalı senatordan ibarət ikipartiyalı qrup bu həftə ABŞ-ın maliyyə naziri Canet Yellen ilə görüşəcək.

Məlumata görə, Konqresin yuxarı palatası bu həftə təşəbbüsü qəbul edə bilər. Daha əvvəl isə analoji qanun layihəsi Konqres Nümayəndələr Palatasına təqdim edilib.