ABŞ Pentaqonu USS Nimitz aviadaşıyıcısının xidmət müddətini 10 ay uzadıb

Fins.az - ABŞ Hərbi Dəniz Qüvvələrinin ən köhnə aviadaşıyıcısı olan USS Nimitz-in xidmət müddəti 10 ay uzadılıb.

Pentaqonun məlumatına görə, gəmi əvvəl planlaşdırılandan daha uzun müddət ABŞ donanmasının tərkibində qalacaq.

Bununla bağlı ABŞ Hərbi Dəniz Qüvvələri HII Newport News Shipbuilding şirkəti ilə 96 milyon dollar dəyərində müqavilə bağlayıb. Ayrılan vəsait lazımi materialların alınmasına və gəminin xidmət müddətinin uzadılması ilə bağlı hazırlıq işlərinin planlaşdırılmasına yönəldiləcək.