ABŞ-nin dövlət borcu 39 trilyon dolları ötüb

ABŞ-nin dövlət borcunun həcminin 2027-ci ilə qədər ÜDM-in 120%-ni keçəcəyi proqnozlaşdırılır.

Fins.az-ın məlumatına görə, bu barədə “Fitch Ratings” beynəlxalq reytinq agentliyinin hesabatında bildirilib.

Hesabatda qeyd olunur ki, dövlət büdcəsi kəsirinin bu il və gələn il ÜDM-in 7,9%-i səviyyəsində qalacağı gözlənilir. Agentlik hesab edir ki, artıq yüksək səviyyədə olan dövlət borcu gələn ilədək ÜDM-in 120%-ni ötəcək.

Məlumatlara əsasən, ABŞ-nin dövlət borcu hazırda 39,1 trilyon ABŞ dollarını keçib və bu, adambaşına 114 min dollardan çox göstərici deməkdir.