ABŞ-da ixtisarlar yüksək həddə çatıb

Elan edilmiş və ya təsdiqlənmiş ixtisarları izləyən “Challenger, Gray & Christmas” məsləhət şirkəti mart ayı üçün hesabatını dərc edib.

Fins.az hesabata istinadən xəbər verir ki, ABŞ mərkəzli işəgötürənlər tərəfindən elan edilən ixtisarların sayı mart ayında aylıq 7% artımla 90 min 309-a çatıb. Fevral ayında 84 min 638 nəfərin işdən çıxarılacağı açıqlanmışdı.

Beləliklə, ölkədə 2023-cü ilin yanvarından bəri ən yüksək ixtisar səviyyəsi mart ayında qeydə alınıb.

Mart ayında ən çox işdən çıxarılan sektor 36 min 44 nəfərlə dövlət sektoru olduğu halda, 2011-ci ilin sentyabr ayından bu yana ən yüksək aylıq işdən çıxarılma sayına bu sahədə nail olunub.

Bu ilin birinci rübündə ixtisarlar keçən ilin son rübünə nisbətən 120 faiz artaraq 2023-cü ilin yanvar-mart dövrü ilə müqayisədə 7 faiz azalaraq 257 min 254-ə çatıb.

Texnologiya sektorundakı işdən çıxarmalar illik bazda 59% azalaraq 42 min 442-yə ilk rübdə düşsə də, ən çox işdən çıxarmaların açıqlandığı sektorlardan biri oldu.

Günel Məlikzadə
Fins.az