Rusiyalı xizəkçi Paralimpiadada qızıl medal qazandı

Fins.az - Rusiyalı xizəkçi Anastasiya Baqiyan İtaliyada keçirilən 2026-cı il Qış Paralimpiya Oyunlarında çempion olub. O, görmə məhdudiyyətli idmançılar arasında keçirilən sprint üzrə xizək yarışında qızıl medal qazanıb.

Finalda idmançı məsafəni 3 dəqiqə 16,1 saniyəyə qət edib. Onun tras üzrə bələdçisi Sergey Sinyakin olub.

Bu nəticə Rusiya komandası üçün Paralimpiadada ikinci qızıl medal sayılır. Daha əvvəl Varvara Voronçixina super-giant yarışında qələbə qazanmışdı. Bundan əlavə, Rusiya yığmasının hesabında iki bürünc medal da var.

Rusiya idmançıları İtaliyada keçirilən Paralimpiya Oyunlarında ölkənin milli bayrağı və simvolları altında çıxış edirlər.