Çempionlar Kuboku: Azərbaycanın 3x3 basketbol millisi yarımfinala yüksəlib

Fins.az - Azərbaycanın qadınlardan ibarət 3x3 basketbol millisi Tailandın paytaxtı Banqkokda keçirilən FIBA Çempionlar Kubokunda yarımfinala vəsiqə qazanıb.

Yığma B qrupunun son oyununda İspaniya millisi ilə qarşılaşıb. Görüş Azərbaycan komandasının 16:11 hesablı qələbəsi ilə başa çatıb.

Bu nəticə ilə qrupda ikinci yeri tutan Azərbaycan millisi yarımfinal mərhələsinə yüksəlib.

Qeyd edək ki, turnirin qalibi Olimpiya Təsnifat turnirinə lisenziya əldə edəcək.