Azərbaycana gələn tələbələrin sayı 32% artıb

Fins.az - 2025-2026-cı tədris ili üzrə Hökumətlərarası Təqaüd Proqramı (HTP) çərçivəsində Azərbaycanda 62 əcnəbi vətəndaş təhsil almaq hüququ qazanıb.

Bu barədə Nazirlər Kabinetinin 2025-ci ildə fəaliyyəti haqqında hesabatında məlumat verilib.

Hesabata əsasən, proqram çərçivəsində təhsil hüququ qazanan tələbələrin ölkələr üzrə bölgüsü belədir:

• 23 nəfər Çin vətəndaşı

• 11 nəfər Qazaxıstan vətəndaşı

• 4 nəfər Tacikistan vətəndaşı

• 4 nəfər Qırğızıstan vətəndaşı

• 20 nəfər Somali vətəndaşı

Qeyd olunur ki, Hökumətlərarası Təqaüd Proqramı çərçivəsində ötən il Azərbaycanda təhsil hüququ qazanan əcnəbi tələbələrin sayı əvvəlki illə müqayisədə 32 faiz artıb.

Eyni zamanda, 2025-ci ildə proqram çərçivəsində iki yeni ölkədən – Qırğızıstan və Somalidən tələbələrin qəbulu həyata keçirilib.