Azərbaycan millisinin tarixində ən böyük qələbə

Fins.az - “FIFA Series – 2026” beynəlxalq turniri çərçivəsində Ayxan Abbasovun rəhbərlik etdiyi Azərbaycan komandası Sankt-Lüsiya üzərində 6:1 hesabı ilə qələbə qazanıb.

Bu nəticə millinin əvvəlki rekordunu üstələyib. Əvvəlki ən böyük qələbə 2017-ci ildə Dünya Çempionatı-2018-in seçmə mərhələsində San-Marino üzərində 5:1 hesabı ilə qazanılmışdı. 1999-cu ildə isə Lixtenşteyn üzərində 4:0-lıq qələbə uzun müddət rekord olaraq qalırdı.

Beləliklə, 6:1 hesabı ilə Sankt-Lüsiya üzərində qələbə Azərbaycan millisinin tarixində ən böyük qələbə olaraq qeydə alınıb.