Azərbaycan güləşçisi Avropa çempionatının finalına yüksəldi

Fins.az - Azərbaycan güləşçisi Avropa çempionatının finalına yüksəldi

Serbiyanın Zrenyanin şəhərində keçirilən U-23 Avropa güləş çempionatında Azərbaycan güləşçisi finala yüksəlib.

Yarışların ikinci günündə sərbəst güləş üzrə 61 kq çəki dərəcəsində yarışan Ceyhun Allahverdiyev yarımfinalda Şimali Makedoniyadan Bəşir Alilini məğlub edib. Rəqibi zədələndiyi üçün qarşılaşmanı davam etdirə bilməyib.

Qeyd edək ki, əvvəlki gün finala Vasif Bağırov (57 kq) və Sabuxi Amiraslanov (79 kq) da vəsiqə qazanmışdılar.

Çempionat 15 martda başa çatacaq.