Azərbaycan Güləşçiləri və Gimnastika komandası mübarizəyə başlayır - Paris-2024

Finss.az xəbər verir ki, bu gün Parisdə keçirilən Yay Olimpiya Oyunlarında Azərbaycanın iki sərbəst güləşçisi və bədii gimnastika üzrə qrup hərəkətləri komandası mübarizəyə qoşulacaq. Bədii gimnastika üzrə qrup hərəkətləri komandamız - Zeynəb Hümmətova, Darya Sorokina, Ləman Əlimuradova, Güllü Ağalarzadə və Yelizaveta Luzan - halqa və lentlə çıxışlarını nümayiş etdirəcəklər.

Güləşçilərimiz Turan Bayramov (74 kq) və Giorgi Meşvildişvili (125 kq) 1/8 finalda rəqibləri ilə qarşılaşacaqlar. Bundan əlavə, boksçu Alfonso Dominqes (92 kq) final görüşündə Özbəkistan təmsilçisinə qarşı qızıl medal uğrunda mübarizə aparacaq.

Qeyd edək ki, Paris-2024 avqustun 11-də başa çatacaq. İndiyədək Azərbaycan idmançıları müxtəlif mükafatlar qazanıblar, o cümlədən iki cüdoçumuz olimpiya çempionu olub.