AFFA İntizam Komitəsi futbolçulara cəza verib

AFFA İntizam Komitəsi aşağı yaş liqalarında qeyri-idman davranışlarına görə bir neçə futbolçunu cəzalandırıb.

Finns.az xəbər verir ki, U-16 Liqasındakı "Lion" - "Asta" matçında rəqiblərini təhqir edən "Lion"dan Hüseyn Hüseynov və "Asta"dan Rəsul Quliyev 3 oyunluq diskvalifikasiya alıb.

U-14 Liqasında isə Göyçayın "Çinar" komandasının oyunçusu İbrahim Şəfiyev Beyləqanın "Mil" komandası ilə matçda hakimi təhqir etdiyi üçün qırmızı vərəqə alıb və 2 oyundan uzaqlaşdırılıb.