Türkiyə boru kəməri ilə qaz idxalını maksimum səviyyəyə çatdırıb

Fins.az - Türkiyə mart ayında boru kəmərləri vasitəsilə təbii qaz idxalını son bir il yarımın ən yüksək səviyyəsinə çatdırıb.

Yaxın Şərqdəki münaqişə fonunda mayeləşdirilmiş təbii qazın (LNG) qlobal təklifinin azalması Ankara hökumətini qaz balansında dəyişiklik etməyə və boru kəmərləri ilə idxalı artırmağa məcbur edib.

Energy Market Regulatory Authoritynin (EPDK) məlumatına görə, ölkə mart ayında ümumilikdə 6,272 milyard kubmetr qaz idxal edib. Bu göstərici ötən ilin eyni dövrü ilə müqayisədə təxminən 5 faiz çoxdur.

Ekspertlər hesab edirlər ki, enerji bazarındakı qeyri-sabitlik və LNG qiymətlərindəki artım Türkiyənin yaxın aylarda da boru kəməri marşrutlarına üstünlük verməsinə səbəb ola bilər.