Stellantis I rübdə avtomobil tədarüklərini 12% artırıb

Fins.az - Avtomobil konserni Stellantis NV 2026-cı ilin birinci rübündə tədarüklərini illik müqayisədə 12% artıraraq 1,4 milyon avtomobilə çatdırıb.

Şirkətin açıqlamasına görə, yanvar-mart aylarında 1,361 milyon avtomobil satılıb. Bu göstərici ötən ilin eyni dövründə 1,217 milyon ədəd təşkil edib.

Artım bütün regionlarda müşahidə olunub. Şimali Amerikada satışlar 17% artaraq 379 min, Avropada 12% artaraq 637 min, Yaxın Şərq və Afrikada 11% artaraq 111 min təşkil edib. Asiya-Sakit okean regionunda satışlar 15% artaraq 15 minə, Cənubi Amerikada isə 4% artaraq 219 minə çatıb.

Bununla yanaşı, şirkətin səhmləri Milan birjasında ticarətin əvvəlində 2,3% bahalaşıb. Lakin son üç ayda Stellantis-in bazar kapitallaşması 19% azalaraq 26 milyard avroya düşüb. Eyni dövrdə FTSE MIB indeksi 5,5% artım göstərib.