Sahibkar olduğu aşkarlanan 19 min 600 şəxsə birdəfəlik ödəmə verilməsindən imtina edilib - RƏSMİ AÇIQLAMA

AZƏRTAC

Sahibkarlıqla məşğul olduğu müəyyənləşdirilən 19 min 600 şəxsə birdəfəlik ödəmə verilməsindən imtina edilib
16.04.2020 [21:23]CƏMİYYƏT
Bakı, 16 aprel, AZƏRTAC 

İşsizlər üçün nəzərdə tutulan birdəfəlik ödəməni almaq məqsədilə elektron qaydada müraciət edənlərdən 19 min 600 şəxsin sahibkarlıqla məşğul olduqları müəyyən edilib. Həmin şəxslərə birdəfəlik ödəmə verilməsindən imtina olunub və bu barədə onlara SMS göndərilib.
Bu barədə fins.az-a Əmək və Əhalinin Sosial Müdafiəsi Nazirliyinin İctimaiyyətlə əlaqələr və kommunikasiya şöbəsindən məlumat verilib. Bildirilib ki, birdəfəlik ödəmə proqramı işsiz şəxslərə dəstək məqsədi daşıyır. Ona görə də bu kateqoriyaya aid olmayan, işi və qazancı olan şəxslərin birdəfəlik ödəmə proqramından faydalanmaq üçün elektron sistemə etdikləri müraciətlər təmin edilmir.
Hazırda müraciətlərin emalı davam edir.