Qazaxıstan neftinin KTK vasitəsilə ixracı sabit davam edir

Fins.az - Qazaxıstan Energetika Nazirliyi ölkə neftinin Xəzər Boru Kəməri Konsorsiumu (KTK) vasitəsilə ixracının sabit şəkildə davam etdiyini açıqlayıb.

Rəsmi məlumata görə, xam neftin qəbulu və magistral kəmərlər vasitəsilə nəqli adi iş rejimində həyata keçirilir. İxrac planlarının icrası da qrafikə uyğun davam edir.

Qazaxıstan rəsmiləri mövcud vəziyyətlə bağlı əlavə detalları şərh etməsələr də, tədarük prosesində hər hansı ciddi fasilənin olmadığı vurğulanıb.