"Qardaşlar Mebel" QSC-nin rəhbəri Əli Mirzəyev "Tərəqqi" medalı ilə təltif edilib

Prezident İlham Əliyev Azərbaycan Respublikasında sahibkarlıq fəaliyyəti sahəsində fərqlənən şəxslərin təltif edilməsi haqqında sərəncam imzalayıb.

Bununla bağlı Prezident.az məlumat yayıb. Sərəncama əsasən, Azərbaycan Respublikasının iqtisadi inkişafına verdikləri töhfəyə və sahibkarlıq sahəsində səmərəli fəaliyyətlərinə görə təltif olunanlardan biri də "Qardaşlar Mebel" QSC-nin təsisçisi Əli Mirzəyevdir. Prezidentin sərəncamı ilə Əli Mirzəyev "Tərəqqi" medalı ilə təltif edilib.