Porsche Bugatti-dəki payının bir hissəsini investor konsorsiumuna satır

Fins.az - Almaniyanın Porsche şirkəti Bugatti Rimac birgə müəssisəsindəki payının bir hissəsini investor konsorsiumuna satmaq qərarına gəlib. Konsorsiuma Nyu-Yorkda yerləşən HOF Capital rəhbərlik edir.

Qeyd edək ki, 2021-ci ildə yaradılmış Bugatti Rimac birgə müəssisəsində Porsche 45%, Xorvatiyanın Rimac Group şirkəti isə 55% paya sahibdir. Bundan əlavə, Porsche Rimac Group-un 20,6%-nə də malikdir.

Razılaşmaya əsasən, Porsche həm birgə müəssisədəki, həm də Rimac Group-dakı payının bir hissəsini satacaq. Konsorsiuma həmçinin Abu-Dabidən olan BlueFive Capital və ABŞ ilə Avropa İttifaqından institusional investorlar daxildir.

Müqavilə tamamlandıqdan sonra Rimac Group Bugatti Rimac üzərində nəzarəti saxlayacaq və yeni tərəfdaşlarla birlikdə şirkətin gələcək inkişafını dəstəkləyəcək.