Naxçıvanda xarici ticarət dövriyyəsi 22 faizə yaxın artıb

Fins.az - Cari ilin yanvar-mart aylarında Naxçıvan Muxtar Respublikasının xarici ticarət dövriyyəsi 33,4 milyon ABŞ dollarına yaxın olub.

Bu məbləğin 3,6 milyon dollarını və ya 10,8 faizini ixrac, 29,8 milyon dollarını və ya 89,2 faizini isə idxal təşkil edib.

Ötən ilin eyni dövrü ilə müqayisədə ümumi ticarət dövriyyəsi 21,9 faiz artıb. Bu dövrdə idxal 20,2 faiz, ixrac isə daha yüksək templə – 38,5 faiz yüksəlib.

Statistik göstəricilər regionda xarici ticarət fəallığının artdığını nümayiş etdirir.