Microsoft Yaponiyaya $10 mlrd investisiya yatıracaq

Fins.az - Microsoft 2026–2029-cu illər ərzində Yaponiyaya 10 milyard dollar həcmində investisiya yatıracağını açıqlayıb.

Bu vəsait ölkədə bulud və süni intellekt infrastrukturunun inkişafına, eləcə də mütəxəssislərin hazırlanmasına yönəldiləcək.

Şirkət həmçinin yerli Sakura Internet və SoftBank şirkətləri ilə əməkdaşlıq quraraq qrafik prosessorlar və digər hesablama resurslarının təminatını həyata keçirəcək. Bu xəbərin fonunda Sakura Internet-in səhmləri 19,6%, SoftBank-ın səhmləri isə 1,3% artıb.