KOB Evi Bakıda da açılacaq

Ölkə üzrə ikinci KOB Evi Bakı şəhərində açılacaq. 

Fins.az-ın məlumatına görə, bunu jurnalistlərə açıqlamasında Kiçik və Orta Biznesin İnkişafı Agentliyinin İdarə Heyətinin sədri Orxan Məmmədov bildirib. 

Onun sözlərinə görə, hazırda binanın tikintisi davam etdirilir:

“2020-ci il ərzində Bakı şəhəri üzrə ilk KOB Evi Nərimanov rayonunda açılacaq. Hazırda bu sahədə işlər davam etdirilir.

Ümid edirik ki, tez bir zamanda açılış baş tutacaq. Orada özəl və dövlət qurumları tərəfindən sahibkarlara daha çox xidmətlər göstərəcək”.