Japan Post, Japan Post Bankının 4 milyard dollarlıq səhmlərini satmağı planlaşdırır

“Reuters” mənbələrə istinadən xəbər verir ki, Japan Post Holdings Yaponiya Post Bankının səhmlərini ümumilikdə təxminən 600 milyard yen (4 milyard dollardan çox) dəyərində satmağı planlaşdırır.

Finss.az xəbər verir ki, onların sözlərinə görə, səhmdarları arasında dövlətin də olduğu poçt xidməti bankdakı payını 50%-dən aşağı salmağı planlaşdırır. Hazırda bu, 61,5% təşkil edir.

Japan Post Bank da səhmlərini geri almağa başlamağı planlaşdırır.

Rəsmi açıqlama bu həftə gələ bilər.

Çərşənbə günkü ticarətdə Japan Post Bank-ın səhmləri 1,5% ucuzlaşıb, Japan Post isə 0,6% artıb.