Huawei və SAIC dördüncü rübdə ilk elektrik avtomobilini təqdim edəcəklər

Yicai müstəqil mənbələrə istinadən xəbər verir ki, Çinin Huawei və SAIC Motor şirkətləri dördüncü rübdə bazara ilk birgə elektrik avtomobil modelini təqdim etməyi planlaşdırır.

Finss.az xəbər verir ki, Model Shangjie brendi altında buraxılacaq və qiyməti təxminən 150 min yuandan (20,7 min dollar) 250 min yuana qədər olacaq ki, bu da onu Huawei-nin törəmə şirkəti olan Harmony Intelligent Mobility Alliance (HIMA) xəttində ən ucuz edəcək.

O, SAIC-ə məxsus Roewe brendinin modeli əsasında hazırlanacaq.

Yeni model Huawei-nin ağıllı sürücülük texnologiyalarına sahib olacaq və iki tam elektrik (BEV) versiyada təqdim ediləcək.

Shangjie brendinin ikinci modeli hələ də tərəfdaşlar tərəfindən müzakirə olunur və onun sıfırdan hazırlanması gözlənilir.