ExxonMobil Sinqapurda 15%-dək ixtisar planlaşdırır

Finss.az xəbər verir ki, Exxon Mobil Corp. yaxın illərdə Sinqapurdakı işçi heyətini 10-15% azaltmağı və 2027-ci ilin sonunadək ofisini Jurong fabrikinə köçürməyi planlaşdırır.

Şirkət bu qərarı səmərəliliyi artırmaq və struktur dəyişikliklərini optimallaşdırmaq məqsədilə həyata keçirir. Exxon-un bu addımı, qlobal yenidən təşkilatlanma strategiyasının bir hissəsi olaraq qiymətləndirilir.

Xatırladaq ki, bu həftənin əvvəlində ExxonMobil Kanada və Avropa İttifaqında da ixtisar planlarını açıqlamışdı. Ümumilikdə 2 minə yaxın iş yeri ləğv ediləcək. Bu, şirkətin qlobal işçi qüvvəsinin təxminən 3-4%-nə təsir göstərəcək.

Şirkət nümayəndələrinin bildirdiyinə görə, bu dəyişikliklər uzunmüddətli fəaliyyətin dayanıqlılığı və effektiv idarəetmə üçün vacibdir. ExxonMobil enerji bazarındakı dəyişən reallıqlara uyğunlaşmaq üçün resurslarını və əməliyyatlarını yenidən formalaşdırmağa davam edir.