Çinin ixracı gözləntiləri üstələyib

Noyabrda Çinin ixracatı illik 0,5 faiz artaraq, oktyabrda 6,4 faiz azalmanı geri qaytardı və iqtisadçıların 1,1 faizlik azalma gözləntilərini üstələdi.

Fins.az Bloomberg-ə istinadən xəbər verir ki, dünyanın ikinci ən böyük iqtisadiyyatının idxalı ötən ilin eyni dövrü ilə müqayisədə 0,6 faiz azalıb.

İdxal oktyabrda 3,0 faiz artımdan sonra noyabrda 0,6 faiz azalıb. İqtisadçılar idxalın 3,3% artdığını təxmin etdilər.

Noyabrda Çinin ticarət balansı oktyabrda 56,53 milyard dollardan 68,39 milyard dollara yüksəlib və proqnozların 58 milyard dolları üstələyib.

Günel Məlikzadə
Fins.az