Brent markalı neftin bir barreli 65,06 dollara kimi bahalaşıb

Finss.az xəbər verir ki, cümə axşamı günü ticarətdə neftin qiyməti bir qədər yüksəldi.

Moskva vaxtı ilə saat 14:25-də Londonun ICE Futures birjasında Brent markalı avqust fyuçerslərinin qiyməti 0,2 dollar (0,31%) bahalaşaraq 65,06 dollar/barelə çatıb. Bu vaxta qədər WTI markalı neftin iyul fyuçersləri NYMEX birjasında 0,16 dollar (0,25%) bahalaşaraq bir barelə görə 63,01 dollar olub.

Bir gün əvvəl neft qiymətləri Səudiyyə Ərəbistanının OPEC+ ölkələrinin qarşıdakı aylarda hasilatı sürətləndirilməkdə israr etməsi ilə bağlı məlumatlara görə əhəmiyyətli dərəcədə aşağı düşüb. Bloomberg mənbələrə istinadən xəbər verir ki, Ər-Riyad itirilmiş bazar payını geri qaytarmağa çalışır və avqust və ola bilsin sentyabrda kvotaları gündəlik 411 min barel artırmağın tərəfdarıdır.