Böyük Britaniya iqtisadiyyatı ilin ilk rübündə 0,6 faiz artıb

Fins.sz - Böyük Britaniya iqtisadiyyatı 2026-cı ilin birinci rübündə əvvəlki rüblə müqayisədə 0,6 faiz artıb. Bu, son bir ilin ən yüksək rüblük göstəricisi hesab olunur.

Məlumat Office for National Statistics (ONS) tərəfindən açıqlanıb. Analitiklər də eyni səviyyədə artım proqnozlaşdırırdılar.

Ötən rübdə ÜDM artımı əvvəl açıqlanan 0,1 faiz deyil, 0,2 faiz olub.

Hesabat dövründə xidmət sektoru 0,8 faiz, tikinti sektoru 0,4 faiz, istehsal sahəsi isə 0,2 faiz böyüyüb.

İstehlak xərcləri 0,6 faiz, dövlət xərcləri isə 0,4 faiz artıb. Bununla yanaşı, şirkətlərin əsas kapital investisiyaları 0,6 faiz azalıb.