Bolqarıstan biznesə qiymət artımına görə €100 mln kompensasiya ayıracaq

Fins.az - Texniki hökumət ABŞ və İsrailin İranla bağlı hərbi əməliyyatları fonunda qiymət artımını kompensasiya etmək məqsədilə biznesə dəstək göstərməyə hazır olduğunu açıqlayıb.

Baş nazir Andrey Gyurov bildirib ki, hazırlanmış tədbirlər paketi müxtəlif sektorların fəaliyyətində proqnozlaşdırıla bilənlik təmin edəcək, qiymət artımının qarşısını alacaq və əhalinin alıcılıq qabiliyyətini qoruyacaq.

Prioritet olaraq dəstək nəqliyyat şirkətlərinə, avtomobil daşımaları və kənd təsərrüfatı sahələrinə veriləcək. Həmçinin elektrik enerjisinin qiymət artımı üçün kompensasiyalar nəzərdə tutulur.

Ümumilikdə biznesin dəstəklənməsinə €100 milyon ayrılması planlaşdırılır.