“Bir Pəncərə” İxraca Dəstək Mərkəzi vasitəsilə Azərbaycandan 190 mln.dollarlıq ixrac

2022-ci ilin yanvar-sentyabr aylarında “Bir Pəncərə” İxraca Dəstək Mərkəzi vasitəsilə Azərbaycandan $189,9 milyon məbləğində ixrac həyata keçirilib.

"Fins.az" xəbər verir ki,  bu barədə İqtisadi İslahatların Təhlili və Kommunikasiya Mərkəzinin məlumatında deyilir.

Məlumatına görə, yanvar ayında bu göstərici $9 milyon, fevralda $17 milyon, martda $24,3 milyon, apreldə $29,2 milyon, mayda $27,4 milyon, iyunda $20 milyon, iyulda $17,4 milyon, avqustda $20,9 milyon, sentyabrda $24,7 milyon təşkil edib.

2021-ci ilin yanvar-sentyabr aylarında bu göstərici $168,4 milyon təşkil edib. Beləliklə, 2022-ci ilin müvafiq dövründə “Bir Pəncərə” İxraca Dəstək Mərkəzi vasitəsilə ixracın həcmi 12,8% artıb.