Bank of America I rübdə xalis mənfəətini 17% 

Fins.az - ABŞ-ın aktivlərinə görə ikinci ən böyük bankı olan Bank of America 2026-cı ilin birinci rübündə xalis mənfəətini illik müqayisədə 17% artırıb.

Yanvar-mart aylarında bankın xalis mənfəəti 8,58 milyard dollar təşkil edib. Ötən ilin eyni dövründə bu göstərici 7,36 milyard dollar idi. Səhm üzrə mənfəət isə 0,89 dollardan 1,11 dollara yüksəlib.

Bankın rüblük gəliri də artaraq 30,27 milyard dollara çatıb. Bu, əvvəlki ilin eyni dövründə qeydə alınmış 28,25 milyard dollarlıq göstəricidən yüksəkdir.

Analitiklərin proqnozları ilə müqayisədə nəticələr daha yaxşı olub. Onlar səhm üzrə mənfəətin 1,01 dollar, gəlirin isə 27,76 milyard dollar olacağını gözləyirdilər.

Hesabat dövründə xalis faiz gəliri 9% artaraq 15,7 milyard dollara yüksəlib. Kredit itkiləri üçün ayrılan ehtiyatlar isə 1,5 milyard dollardan 1,3 milyard dollara enib.