Azərbaycanın qida, içki və tütün sənayesində istehsal dinamikası

Finss.az - 2025-ci ilin yanvar-aprel aylarında Azərbaycanda qida məhsulları, içki və tütün məmulatlarının istehsalında müxtəlif dinamikalar müşahidə olunub.

Dövlət Statistika Komitəsinin məlumatına əsasən, Qida məhsullarının istehsalı əvvəlki ilin müvafiq dövrü ilə müqayisədə 112,5% səviyyəsində artaraq ümumi artım meylini qoruyub. 2024-cü ilin yanvar-mart ayları ilə müqayisədə 2025-ci ilin yanvar-martında istehsal 112,2% təşkil edib.

İçki istehsalı isə bu dövrdə müəyyən dəyişikliklərə məruz qalıb. 2025-ci ilin yanvar-mart aylarında istehsal əvvəlki ilin müvafiq dövrünə nisbətən 99,1% səviyyəsində olub, yəni kiçik azalma müşahidə olunub. Ancaq yanvar ayında 126%, yanvar-fevralda isə 105,4% səviyyəsində artım qeydə alınıb.

Tütün məmulatlarının istehsalında isə kəskin azalma diqqət çəkir. 2025-ci ilin yanvar ayında istehsal 64,5%, yanvar-fevralda 74,6%, yanvar-martda isə 96,9% səviyyəsində olub.

İstehsal edilmiş əsas məhsullar arasında:

• Kolbasa məmulatlarının istehsalı 9,439 ton təşkil edib və əvvəlki ilin müvafiq dövrünə nisbətən 100,9% artıb.

• Meyvə şirələrinin istehsalı 1,451 min desilitr, 98,7% səviyyəsindədir.

• Meyvə-tərəvəz konservləri 54,272 ton istehsal edilərək 109,3% artım göstərib.

• Duru bitki yağları 14,025 ton, marqarin isə 16,375 ton səviyyəsində istehsal olunub.

• Şəkər istehsalı isə əvvəlki ilin müvafiq dövrünə nisbətən 159,7% artaraq 85,1 min ton təşkil edib.

İçki məhsullarında isə alkoqolsuz içkilərin istehsalı 13,960 min desilitr, viskinin isə 240 min desilitr səviyyəsində olub. Üzüm şərabının istehsalı isə azalma ilə 59,6% səviyyəsində qalıb.

Tütün məmulatlarının istehsalı isə kəskin azalma nümayiş etdirib. Siqaret və siqarların istehsalı 4,396 milyon ədəd, tütün istehsalı isə 588 ton təşkil edib.