Azərbaycanda vergi ödəyicilərinin sayı 7%-ə yaxın artıb

Bu il oktyabrın 1-nə Azərbaycanda 1 388 382 vergi ödəyicisi olub ki, bu da ötən il oktyabrın 1-i ilə müqayisədə 6,6 % çoxdur.

"Fins.az" xəbər verir ki, bu barədə İqtisadiyyat Nazirliyi yanında Dövlət Vergi Xidməti məlumat yayımlayıb. 

Məlumata görə, vergi ödəyicilərinin 87,5 %-i fiziki şəxslər, 12,5 %-i hüquqi şəxslər və digər təşkilatlar olub.

Son 1 ildə fiziki şəxslərin sayı 6,3 % (ümumi artımın 83,2 %-i), hüquqi şəxslərin sayı isə 9,2 % (ümumi artımın 16,8 %-i) artıb.