Azərbaycanda ictimai iaşə dövriyyəsi artıb

2026-cı ilin yanvar-mart aylarında Azərbaycanda ictimai iaşə sektorunun ümumi dövriyyəsi 630 milyon manat təşkil edib.

Fins.az Dövlət Statistika Komitəsinin məlumatına əsasən xəbər verir ki, bu göstərici 2025-ci ilin eyni dövrü ilə müqayisədə real ifadədə 5,2 faiz artım deməkdir.

Məlumata əsasən, özəl sektorda ictimai iaşə dövriyyəsinin strukturunda balanslı bölgü müşahidə olunub. Belə ki, ümumi dövriyyənin 49,9 faizi hüquqi şəxslərin, 50,1 faizi isə bu sahədə sahibkarlıq fəaliyyəti ilə məşğul olan fiziki şəxslərin payına düşüb.

Hüquqi şəxslər üzrə dövriyyə də artım nümayiş etdirərək 2025-ci ilin müvafiq dövrü ilə müqayisədə 3,5 faiz yüksəlib və 312,2 milyon manat təşkil edib.