Azərbaycanda gəlir və əməkhaqqı artımı qeydə alınıb

2026-cı ilin yanvar-mart aylarında Azərbaycanda əhalinin nominal gəlirləri 22 milyard 359,1 milyon manat təşkil edib.

Fins.az Dövlət Statistika Komitəsinin məlumatına əsasən xəbər verir ki, bu göstərici ötən ilin eyni dövrü ilə müqayisədə 7% artım deməkdir. Bu artım ölkədə gəlirlərin ümumi dinamikasında yüksəlişin davam etdiyini göstərir.

Bununla yanaşı, bu ilin yanvar-fevral aylarında Azərbaycanda orta aylıq nominal əməkhaqqı 1 099,1 manat səviyyəsində qeydə alınıb. Bu rəqəm ötən ilin müvafiq dövrü ilə müqayisədə 5,3% artım deməkdir.