Azərbaycanda divar kağızlarını istehsal edəcək müəssisə inşa olunacaq

Ağdam Sənaye Parkının yeni rezidenti “Mister Decor” Məhdud Məsuliyyətli Cəmiyyəti tərəfindən Sənaye Parkının 1 hektarında divar kağızlarını istehsal edəcək müəssisə inşa olunacaq.

"Fins.az" xəbər verir ki, İqtisadi Zonaların İnkişafı Agentliyindən bildirilib.

İnvestisiya dəyəri 6,5 milyon manat olan müəssisədə 76 nəfər daimi işlə təmin olunacaq.

Müəssisədə istehsal olunan məhsullarin daxili bazarın tələbatını ödəməklə yanaşı, ixracı da nəzərdə tutulur.