Azərbaycan tütün idxal və ixracını yanvarda kəskin azaldıb

Bu ilin yanvar ayında Azərbaycan 781,4 min ABŞ dolları dəyərində tütün və tütünün sənaye əvəzediciləri ixrac edib ki, bu da 2019-cu ilin eyni ayı ilə müqayisədə 2,5 dəfə azdır.

Fins.az-ın Dövlət Gömrük Komitəsinə istinadən verdiyi məlumata görə, bu ilin yanvar ayında ölkə 4 855,5 min dollar dəyərində tütün və tütünün sənaye əvəzediciləri idxal edib ki, bu da ötən ilin yanvar ayı ilə müqayisədə 2,2 dəfə azdır. Ümumi ticarət həcmləri isə 2,2 dəfə azalıb və 5 636,9 min dollara enib.

Yanvarda sözügedən malların ticarət mübadiləsinin mənfi saldosu 4 074,1 min dollar təşkil edib ki, bu da ötən ilin analoji dövrü ilə müqayisədə 2,1 dəfə azdır.

©APA